Dosja “Gërdeci”, ish-ministri Fatmir Mediu paraqitet në GJKKO për seancën e radhës

Ish-ministri i Mbrojtjes Fatmir Mediu është paraqitur paraditen e së premtes në GJKKO ku do të mbahet seanca e radhës për dosjen Gërdeci.

Mediu është marrë i pandehur për shpërdorim detyre dhe shpërdorim detyre në bashkëpunim me kuadër komandues ushtarak.

Seanca në ngarkim të ish-ministrit është shtyrë disa herë për shkak të mungesës së këtij të fundit, i cili ka pretenduar se ndodhet jashtë vendit për angazhimet e veta personale dhe politike.

Mediu po përballet me akuzën e “shpërdorimit të detyrës” të kryer në bashkëpunim, lidhur me ngjarjen e rëndë të Gërdecit.

Në seancë ishte e pranishme edhe Zamira Durda e cila tha që ka 17 vjet që pret drejtësi.

LEXONI GJITHASHTU:

• Shtyhet seanca për “Gërdecin”, ish-ministri Mediu në SHBA për vizita mjekësore
• Gërdeci| Mediu: Proces agjitacion-propagandë. Republika e prokurorëve do ketë pasoja