Shtyhet seanca për “Gërdecin”, ish-ministri Mediu në SHBA për vizita mjekësore

Në seancën e kësaj të marte në gjyqin ndaj dosjes “Gërdeci”, ku i pandehur është marrë Fatmir Mediu, ky i fundit nuk u paraqit pasi sipas avokatëve të tij, ndodhet në SHBA për vizita mjekësore.

Mungesa e Mediut shkaktoi debat në seancë, ku prokurorët kërkuan vazhdimin e gjyqit pa praninë e tij.

Ish-ministri, përmes mbrojtjes së tij ligjore, paraqiti një rekomandim nga një spital privat që thuhej se duhej të kryente ekzaminime mjekësorë.

Ndërkohë prokurori Klodian Braho u shpreh se rekomandimi duhej të jepej nga mjeku i familjes dhe jo nga një spital privat në mënyrë që të njihet ligjërisht.

Në sallën e gjyqit Zamira Durda u shpreh se procesi duhet të merret seriozisht nga gjykata. Durda: Kush i tha atij të rrinte në radhë për Donald Trumpin.

Në seancën e radhës të caktuar në datë 12 shkurt ora 09.00, ekspertet do duhet të paraqesin në mënyrë të përmbledhur raportin për aktin tekniko-ushtarak.

LEXONI GJITHASHTU:

• “Gërdeci”, Mediu kundërshton ekspertët, akuza gjykatës për njëanshmëri
• Gjyqi i Gërdecit: Avokatët e Mediut kundërshtojnë ekspertizën ekonomiko-financiare