Gërdeci| Mediu: Proces agjitacion-propagandë. Republika e prokurorëve do ketë pasoja

Ish-ministri i Mbrojtjes Fatmir Mediu ishte këtë të mërkurë në GJKKO në seancën e radhës për “Gërdecin”. Ai tha se tashmë ky proces është kthyer në agjitacion-propagandë. Duke kritikuar prokurorët Mediu shtoi se nuk prokuroria nuk përfaqëson drejtësinë dhe një “mbivendosje” e saj mbi gjyqësorin do të ketë pasoja në shoqëri.

“Nuk është detyrë e ministrit të merret me kalibrat. Kjo nuk ndodh në asnjë vend të NATO-s Ky është kthyer në një proces agjitacion propagandë njësoj si në kohën e komunizmit. Mjerë republika e prokurorëve, shumë e kanë marrë me qejf këtë, por nuk mund të ketë Republikë Prokurorësh.

Duhet të ketë një shtet të së drejtës ku prokuroria duhet të ketë vendin e vetë. Nuk është drejtësia prokuroria, drejtësia është gjyqësori. Vendosja e prokurorisë mbi gjyqësorin është një nga veprimet më fatale të drejtësisë shqiptare dhe ka për të pasur pasoja jo të vogla politike, sociale në shoqërinë shqiptare”, -tha Mediu.

LEXONI GJITHASHTU:

• “Debatin e kemi me popullin”- Rama: Do bëjmë kritika konstruktive ndaj drejtësisë
• KQZ-ja në Kosovë: Rezultatet e zgjedhjeve do të jenë të sakta, pavarësisht vonesave