Dosja ‘Gërdeci’, sot seanca paraprake për Mediun, e pranishme dhe familja Durda

Në Gjykatën e Posaçme zhvillohet sot seanca paraprake për Fatmir Mediun, për të vendosur nëse çështja e Gërdecit do të kalojë ose jo për gjykim.

Burime për Euroneës Albania bëjnë me dije se në SPAK kanë paraqitur familjarët Zamira dhe Feruzan Durda të cilët kanë humbur djalin e tyre 7-vjeç në tragjedinë e Gërdecit.
Zhvillimi i seancës deri më tani ka dështuar dy herë.

Më herët ish-ministri Mediu nuk ka qenë i pranishëm në seancë dhe u përfaqësua nga avokatët Ardian Visha dhe Henrik Ligori.

SPAK ka dërguar për gjykim ish ministrin e Mbrojtjes, Fatmir Mediu, i cili akuzohet se në lidhje me procesin e çmilitarizimit dhe çmontimit të municioneve që është zhvilluar në ambientet e ish “Brigatës së Tankeve”, në fshatin Gërdec, në bashkëpunim me funksionarë të tjerë të Ministrisë së Mbrojtjes si dhe persona që kanë pasur cilësinë e ushtarakut kuadër komandues, ka nxjerrë disa akte nënligjore në kundërshtim me ligjin.

Sipas SPAK, Mediu ka dëmtuar interesat e shtetit dhe ka favorizuar 2 kompanitë, ‘SAC’ dhe ‘Albademil’. Për këtë çështje ai akuzohet për “shpërdorim detyre” referuar Kodit Penal dhe “Shpërdorim i detyrës” në bashkëpunim me subjekt ushtarak-kuadër komandues.

LEXONI GJITHASHTU: 

• I dogjën makinën e djalit, flet babai: Na kanë zili, po të jenë burra le të vijnë…
• Gruaja hidhet nga dritarja e banesës pas dhunës së burrit, arrestohet 35-vjeçari