Dosja “Mc Gonigal”, gjykata e madhe në SHBA hetoi takimet e ish-agjentit në Shqipëri

Në hetimin ndaj ish-zyrtarit të lartë të FBI, autoritetet amerikane i shkuan deri në fund lidhjeve të tij me zyrtarët e vendeve të tjera.

Në artikullin e Bussines Insider të shtatorit të vitit 2022, thuhet se hetimi i lidhjeve të ish-zyrtarit të lartë të FBI u krye nga gjykata e madhe në SHBA.

“Prokurorët shqyrtuan gjithashtu edhe dyshimet nëse McGonigal ka lidhje me qeverinë e Bosnjë dhe Hercegovinës, si dhe mundësinë e marrjes së ndonjë “pagesë apo dhurate” që i është dhënë nga qeveritë e Kosovës, Malit të Zi dhe Shqipërisë”, theksohet në dokumentin e publikuar nga Busines Insider.

Kjo pjesë e dosjes u risoll edhe një herë në vëmendje këtë të hënë nga Sali Berisha. Sipas tij, nën hetim nga gjykata e lartë është vënë edhe kryeministri Rama. Në fakt dokumenti nuk është vendim gjykate, por dëshmon për verifikim të udhëtimeve dhe takimeve  të McGonigal pas vitit 2017.

Më datë 24 shkurt do të jetë seanca e radhës e Mekgonigal në gjykatë në SHBA ku do të përballet me akuzat që i janë ngritur nga gjykata.

LEXONI GJITHASHTU

• A e ka takuar Ilir Meta ish-zyrtarin e FBI-së? Si përgjigjet Tedi Blushi
• “McGonigal”, Kuvendi pranon kërkesën e grupit të Alibeajt për interpelancë me Ramën
• Skandali McGonigal, reagon për herë të parë Basha: E drejta vonon por nuk harron