Konferenca e Kryetarëve futi në kalendarin e punimeve të Kuvendit kërkesën për interpelancë urgjente të kërkuar nga Grupi Parlamentar i Partisë Demokratike, të drejuar nga Enkelejd Alibeaj me kryeministrin Rama për skandalin McGonigal.

Në mbledhjen e sotme, përfaqësuesja e PD në Konferencën e Kryetarëve, Flutura Açka kërkoi llogari për mënyrën se si u mbyll seanca e shkuar duke shmangur kështu debatin për skandalin McGonigal.

“Po ndodh fashistizimi i Parlamentit. Ne nuk jemi as prokurorë dhe as inkuizitorë por jemi mandatuar të kërkojmë llogari dhe mbyllja e seancës është shkelje e Rregullores së Parlamentit dhe Kushtetutës së Republikës”, – mësohet të ketë thënë deputetja demokrate.

LEXONI GJITHASHTU:

• Zbulohet skenari i PS nëse PD bllokon sërish foltoren e Kuvendit
• Vendimi i Kuvendit për kërkesën e GJK për çështjen e Xhaçkës? Përgjigjet Balla