Draft-statuti i Ramës për asociacionin, vjen për herë të parë reagimi i Kurtit

Kryeministri i Kosovës Albin Kurti ka reaguar për herë të parë në lidhje me draft-statutin për asociacionin që kreu i qeverisë shqiptare Edi Rama, ia dërgoi Francës dhe Gjermanisë.

Në një deklaratë për mediat, Kurti u shpreh se Rama mendon se draft-statuti është i mirë, duke shtuar se nuk mund të hartohen drafte pa dakordim.

Me ironi, Kurti tha se Rama fillimisht të ia propozojë draftin presidentit serb Aleksandër Vuçiç, në takimin e radhës të Ballkanit të Hapur.

“Kam kërkuar që të ketë një dakordim për parimet bazë. Nuk mund të ballafaqojmë letra dhe tekste kur nuk kemi dakordim paraprak për parimet dhe frymë. Unë nuk kam dyshim që Rama, beson se propozimi i tij i draft-statutit është i mirë, dhe duke qenë kështu atëherë krejt çfarë unë propozojë është se Rama, këtë draft-statut për pakicat kombëtare të ja prezantoj Vuçiç në takimin e radhës  për Ballkanin e Hapur për shqiptarët në Preshevë, Medvegjë e Bujanocë”- tha Kurti.

LEXONI GJITHASHTU: 

• Draft-statuti i Ramës, Kurti: T’ia propozojë Vuçiçit në takimin e radhës
• Kurti jep detaje për mbledhjen e përbashkët mes qeverive