Kosova do t’i do thotë jo çdo propozimi për krijimin e asociacionit që vjen nga ekipi menaxhues.

Ky i fundit do t’u prezantojë palëve në Bruksel një draft paraprak për krijimin e komunave me shumicë serbe.

Presidentja Vjosa Osmani bëri publik qëndrimin e saj teksa në Bruksel përgatitej takimi Kurti-Vuçiç, duke theksuar se Prishtina duhet të ketë draft-propozimin e saj për këtë Ռështje.

“I ashtuquajturi ekip menaxhues do të prezantojë një draft. Pritjet e mija si Presidente janë që Republika e Kosovës të ketë draftin e saj. Apriori ne e dimë që do jetë draft i papranuar nga ana e institucioneve të Kosovës. Pra, ta kemi draftin tonë i cili është në përputhje të plotë me Kushtetutën e Kosovës dhe është përputhje me vendimin e Gjykatës Kushtetuese të vitit 2015, është po ashtu në përputhje me qëndrimin e ShBA dhe siguron qe nuk preket as sovraniteti as integriteti territorial”, tha Osmani.

Osmani theksoi se drafti nga ekipi menaxhues do të thotë draft i propozuar nga presidenti serb, Aleksandër Vuçiç.

“Ne nuk guxojmë të lejojmë që drafti i një të ashtuquajturi ekipi menaxhues që në realitet është draft i Vuçiçit të bëhet bazë e negociatave. Pres që drafti i Kosovës te jetë ai që do të shndërrohet në bazën kryesore të këtij procesi e jo drafti i një ekipi menaxhues që udhëhiqet dhe kontrollohet nga Vuçiç”, u shpreh ajo.

Sa i takon kërkesës për të pagjeturit, Osmani u shpreh skeptike për zbatim nga pala serbe.

LEXONI GJITHASHTU:

• Kurti dhe Vuçiç miratojnë Deklaratën për të Zhdukurit
• A do të firmoset sot Asociacioni? Eksperti zbulon planin e takimit Kurti-Vuçiç