“Drafti i Ramës, asnjë vlerë juridike”, Muja: Kosova nuk ka pse shqetësohet

Deputeti i Lëvizjes Vetëvendosje Armend Muja ka komentuar draftin propozimin e kryeministrit Edi Rama për asociacioni në Kosovë.

Në një intervistë për Euroneës Albania ai tha se Kosova nuk ka pse të shqetësohet ndërsa shtoi se drafti i Ramës nuk ka asnjë vlerë juridike.

“Nuk ka asgjë të mirë për Kosovën aty dhe as për shqiptarët. Për raportet mes tyre duhet të flasin ata. Nuk është për interesat e Kosovës dhe as nuk lidhet personalisht me Kurtin sa lidhet me ekstazionin apo promovimin e ideve serbe në Kosovë. Kur u bë propozimi për rezoluta për dënimin e gjenocidit serb në Bosnje-Hercegovinë, Rama ishte kundër.

Kur krejt bota demokratike po i bënte presion Serbisë për vendosje të sanksioneve, ndërkohë Rama i bënte mbrojtje. Kosova do i mbijetoj dhe këtij presioni. Ne jemi duke u ballafaquar me një propozim nga Serbia për federalizim të Kosovës. Me vetëdije ose pa-vetdije Rama duke mos njohur kontekstin me të cilën operojmë , duke mos njohur motivet e qarta të Serbisë, duke tej shpresuar orientimin pro-perëndimor të Serbisë, ka tendenca që të marrë protagonizëm për çështje që nuk i takojnë dhe nuk i dinë”-tha ai.

LEXONI GJITHASHTU: 

• Paralajmëron eksperti i Inteligjencës Artificiale: Mos bëni fëmijë
• Drafti i Ramës, deputeti i VV: Tendenca për protagonizëm në çështje që s’i takojnë