Drafti i Ramës, deputeti i VV: Tendenca për protagonizëm në çështje që s’i takojnë

Deputeti i Lëvizjes Vetëvendosje Armend Muja ka komentuar draftin propozimin e kryeministrit Edi Rama për asociacioni në Kosovë.

Në një intervistë për Euronews Albania ai theksoi se Edi Rama dhe presidenti serb Aleksandër Vuçiç kanë për qëllim që të vendosin nën presion Kosovën.

Ndër të tjera ai theksoi se Rama ka tendencën që të marrë protagonizëm për çështje që nuk i takojnë.

“Rama dhe Vuçiç ka një strategji që ta vendosin nën presion dhe kjo vazhdon. Nuk është në interesat e Kosovës dhe as nuk lidhet me Kurtin se sa lidhet me promovimin e ideve serbe në Kosovë. Kur krejt bota demokratike po i bënte presion Serbisë për vendosje të sanksioneve, ndërkohë Rama i bënte mbrojtje. Kosova do i mbijetoj dhe këtij presioni. Ne jemi duke u ballafaquar me një propozim nga Serbia për federalizim të Kosovës. Me vetëdije ose pavetdije Rama duke mos njohur kontekstin me të cilën operojmë , duke mos njohur motivet e qarta të Serbisë, duke tejshpresuar orientimin pro-perëndimor të Serbisë, ka tendenca që të marrë protagonizëm për çështje që nuk i takojnë dhe nuk i dinë”-tha ai.

LEXONI GJITHASHTU: 

• Kishin ardhur nga Londra të shisnin drogëra të forta në Dhërmi, e ‘pësojnë’ turistët
• Nevoja për lidership të ri në PD / Koduzi: Ja përse Tabaku dha dorëheqjen