Drafti i Ramës, Kurti: T’ia propozojë Vuçiçit në takimin e radhës të Open Balkan

Kryeministri i Kosovës, Albin Kurti, në një konferencë për mediat tha se nuk e ka lexuar draft statutin e dërguar nga Rama në Francë dhe Berlin.

Kurti theksoi se në radhë të parë Kushtetuta e Shqipërisë kërkon mbrojtjen e të drejtave të shqiptarëve jashtë kufijve, ndaj i sugjeroi Ramës që këtë propozim si fillim duhet t’ia bëjë Vuçiçit për Preshevën, Bujanovcin dhe Medvegjën.

“Atëherë krejt çfarë unë propozoj është se Rama këtë draft-statut për pakicat kombëtare t’ia prezantojë Vuçiç në takimin e radhës për Ballkanin e Hapur për shqiptarët e Preshevës, Medvegjës e Bujanocit, pasi në Kushtetutën e Shqipërisë thuhet se duhen mbrojtur të drejtat e shqiptarëve jashtë kufijve. Ndaj mendoj që në vend që Rama të propozojë për serbët në Kosovë, në Berlin dhe në Paris, t’ia propozojë Beogradit për shqiptarët në Serbi”, ka thënë kryeministri Kurti.

LEXONI GJITHASHTU:

• Draft-statuti i Ramës për asociacionin, vjen për herë të parë reagimi i Kurtit
• Situata në Veri, Kurti zbardh bisedën me Borrell dhe takimin me ambasasorët e QUINT