Drafti i Ramës për Asocacionin, LDK: Propozimi i takon Kosovës, askujt tjetër

Pas propozimit të kryeministrit Rama për krijimin e acosicionit të komunave me shumicë sebre, kanë ardhur edhe reagimet e para nga Kosova.

Pas LVV dhe PDK-së ka reaguar dhe lidhja Demokratike e Kosovës.

Kryetari i Grupit Parlamentar të Lidhjes Demokratike të Kosovës, Arben Gashi ka shkruar në një reagim në facebook se kompetente për propozimin e statutit të Asociacionit është vetëm Qeveria e Kosovës dhe akush tjetër.

“Të jemi të qartë e të saktë; kompetent për propozimin e statutit të asociacionit, si dhe menaxhimin me partnerët ndërkombëtarë, është vetëm Qeveria e Kosovës, askush tjetër, asnjë Qeveri e ndonjë vendi tjetër”, ka shkruar Gashi në Facebook.

Kujtojmë se përmes një konference për media, Rama njoftoi se drafti për Asocacionin i propozuar nga qeveria shqiptare i është dorëzuar kancelarit gjerman Olaf Scholz dhe kryeministrit francez Emanuel Macron, me qëllim ç’tensionimin e situatës në veri dhe normalizimin e marrëdhënieve mes Kosovës dhe Serbisë.