Dredha merr pjesë në Asamblenë e PS: Vazhdoj të mbetem socialist, ja pse u dorëhoqa

Kryebashkiaku i Vlorës, Ermal Dredha, dha një prononcim të shkurtër për media në nisje të Asamblesë së Partisë Socialiste, një ditë pas dorëheqjes së tij nga drejtimi i pushtetit lokal.

Dredha u shpreh se vendimi i marrë është rezultat i një reflektimi personal dhe lidhet pjesërisht me arsye familjare. Ai theksoi se do të vijojë të mbështesë Partinë Socialiste dhe ekipin që do të marrë drejtimin e Bashkisë së Vlorës.

“Thjesht ky është një reflektim që kam bërë me veten. Reflektimi nuk fillon një ditë përpara Asamblesë, ka kohë që e mendoj, për shumë arsye, për arsye familjare. Megjithatë, dashuria për Vlorën është e para. Jam djalë Vlore, kam lindur në Vlorë dhe dashuria për Vlorën s’ka për të shteruar kurrë. Unë do të vazhdoj të kontribuoj për Vlorën time, kudo që të jem. Jam i sigurt që do të ketë një ekip që do ta çojë Vlorën përpara, unë do të të mbështes dhe mbetem socialist. Kam qenë dhe socialist do të jem gjithmonë, pasi është familje dhe është gjë e rëndësishme. Nuk mund të bëj komente më shumë se kaq,” tha Dredha.

LEXONI GJITHASHTU:

• Ermal Dredha firmos dorëheqjet e drejtuesve të bashkisë së Vlorës
• A e keni menduar dorëheqjen? Si përgjigjet kryebashkiaku i Vlorës, Ermal Dredha