Drejtësia lë në burg Lefter Kokën, në ditën kur ‘dërgon në shtëpi’ Alqi Bllakon

Lefter Koka do të qëndrojë në burg. Gjykata e lartë nuk pranoi të lehtësojë masën e sigurisë për ish-ministrin e Mjedisit i cili pretendon se vuan nga probleme shëndetësore. Koka mbahet prej 11 muajsh në qeli për aferat lidhur me inceneratorët.

Ditën kur gjykata e posaçme çoi në shtëpi Alqi Bllakon, Lefter Koka nuk arriti të merrte të njëjtën përgjigje nga drejtësia.

Ndryshe nga Gjykata e Posaçme, Gjykata e Lartë refuzoi kërkesën për një masë me të butë sigurie për ish-ministrin e Mjedisit.

Gjykata e Lartë ka rrëzuar kërkesën për ndryshim të masës së sigurisë edhe për 4 zyrtarë të tjerë të arrestuar për abuzimet me inceneratorët.

Lefter Koka u arrestua më 14 dhjetor 2021 me urdhër të SPAK, ndërsa në kërkim u shpallën Klodian Zoton dhe Stela Gugalla, dy drejtuesit e kompanisë fituese të inceneratorit të Fierit dhe Elbasanit.

Ndërkohë ish deputeti i PS dhe ish-sekretari i Përgjithshëm i Ministrisë së Mjedisit, Alqi Bllako, rifitoi një ditë më parë lirinë vetëm 8 muaj pas arrestimit për skandalin e incineratorëve.

Ndaj ish-ministrit të Mjedisit rëndojnë tre akuza, ajo e “Korrupsionit”, “Shpërdorimit të detyrës” dhe ajo e pastrimit të parave”.

LEXONI GJITHASHTU

• Lirimi i Alqi Bllakos, Meta: Koka e aferës është Rama, drejtësia nuk veproi
• Gjykata e Lartë lë në burg ish-ministrin e Mjedisit, Lefter Koka
• Alqi Bllako lirohet nga qelia, SPAK: Do ankimojmë vendimin