Drejtori i ISSH nuk e pranon: Jo çdo pensionist është i varfër

Drejtori i ISSH, Astrit Hado komentoi gjetjet e Barometrit në Euronews Albania, sipas të cilave 84.7% e shqiptarëve mendojnë se pensionistët janë shtresa më e varfër e shoqërisë.

Hado i kundërshtoi shifrat, duke u shprehur se jo çdo pensionist është i varfër dhe çështja duhet trajtuar në mënyrë relative.

Sipas tij, sot ka familje të reja që janë në kushte shumë më të vështira ekonomike se një çift pensionistësh.

“Jo çdo pensionistë është i varfër. Pensioni është individual, në varësi të viteve të punës, profesionit etj. Shikoj më të varfër një çift të ri që nuk kanë një shtëpi dhe kanë edhe fëmijë në shkollë se një pensionist. Sigurisht që pensionistët janë të varfër, sepse masat e pensionit janë të ulëta por është relative”, tha Hado.

LEXONI GJITHASHTU:

• Të moshuarit në Shqipëri janë shtresa më e varfër, gjetjet e Barometrit