Drejtori i ISSH jep alarmin: Skema e pensioneve rrezikon të shkojë në kolaps

Drejtori i ISSH, Astrit Hado tha në emisionin Barometri në Euronews Albania se rritja e jetëgjatësisë dhe ulja e numrit të lindjeve mund ta çojë skemën e pensioneve në kolaps.

Hado shpjegoi se sipas projeksioneve kjo pritej të ndodhet pas 40 vjetësh, por po ndodh 20 vjet më herët.

“Ajo që duhet të kuptojë sot shoqëria shqiptare është që kemi hyrë në emergjencë demografike. Jemi në nivele kur Shqipëria ka rritje gati negative të popullsisë, skema e pensioneve nuk është në kolaps, por nëse vazhdohet me ketë rritje të jetëgjatësisë me 6 muaj në vit dhe këtë rënie të lindshmërisë dhe këtë nivel të lartë migrimi dhe emigrimi, e godasin skemën e pensioneve sepse ajo financohet nga paratë e publikut jo nga buxheti i shtetit”, tha Hado.

LEXONI GJITHASHTU:

• Barometri: Pensionistët në Shqipëri janë të varur nga fëmijët
• Të moshuarit në Shqipëri janë shtresa më e varfër, gjetjet e Barometrit