Drizan Shala: Vuçiç do i shtypë protestat me metodat e FSB ruse

Eksperti i sigurisë Drizan Shala tha këtë të premte për “Balkan Talks” në Euronews Albania se Aleksandër Vuçiç do të përfitojë nga protestat studentore që po ndodhin në Serbi.

Ai tha se ai po përdor të njëjtat metoda si të doktrinës ruse dhe të Vladimir Putinit, duke krijuar në vend një situatë kaotike, gjë që më pas do i lejojë “pastrimin” nga ata që bashkëpunojnë me faktorin ndërkombëtar.

“Aleksandër Vuçiç përdor të njëjtën filozofi me Putinin. 4207 agjentë të strukturave shtetërorë të Rusisë janë brenda shtetit të Serbisë. Këta agjendë në mënyrë premanente, instalojnë doktrinën e strukturave të tyre. Kjo dëshmon faktin se aksionet e strukturave shtetërore nacionaliste serbe, të mbështetura nga strukturat e Beogradit kanë ndikuar si struktura shtetërore të Serbisë, të intensifikojnë çdo veprim të mundshëm për të krijuar një situatë të palakueshme deri te një konflikt shoqëror për të arsyetuar më pas përdorimin e ligjit ushtarak në shtetin e Serbisë”,-tha Drizan Shala.

Sipas tij kjo do të përdoret kur situata të jetë jashtë duarve të Aleksandër Vuçiç. Sipas tij mbrapa këtyre protestave, qëndron një dorë e zgjatur e shtetit të Serbisë. Shala tha se kjo ngjarje i shërben Vuçiçit për të pastruar radhën e tij nga elementët të cilët bashkëpunojnë me faktorin ndërkombëtar.

“Asnjë nga protestuesit apo sindikatat nuk e kanë marrë përsipër organizimin e protestës. Nga kjo Vuçiç ka fituar kohë për tu ripërcaktuar në zhvillimet që po ndodhin në Europë e në tërësi”,-tha eksperti.

LEXONI GJITHASHTU:

• Vuçiç: Lista Serbe arriti fitore të rëndësishme për Serbinë në zgjedhjet në Kosovë
• Vuçiç thirrje serbëve: Vota për Listën serbe, garanci që Kurti s’do t’iu dëbojë