Dronët kamikazë, ku strehohen ukrainasit?

Nuk kanë të sosur bombardimet në qytetet ukrainase ku Rusia godet me raketa dhe dron kamikazë. Banorët fshihen ku të munden, në kryeqytetin Kiev, ata strehohen në metro.

“Sapo ndodhi një sulm ajror dhe sipas rregullave të kompanisë ku unë punoj, ata thanë të zbrisnin për siguri. Jemi ulur këtu për rreth tre orë, shprehet Anton.

Olga tregon se nuk është aq frikë siç ishte në shkurt kur nisi pushtimi. Por ajo zemërohet nga dronët kamikazë dhe raketat që po hidhen. Por ka dyshime për shkatërrimin që lënë pas dronët. Ushtria ukrainase thotë se ata po arrijnë të gjurmojnë shumë prej tyre.

Duke goditur infrastrukturën kritike të energjisë të Ukrainës, aksionet e Moskës po dënohen gjerësisht nga Perëndimi.

Ursula von der Leyen, presidentja e Komisionit Evropian, i cilësoi sulmet e Rusisë “akte terrori” që përbëjnë krime lufte.

“Sulmet e synuara ndaj infrastrukturës civile me qëllimin e qartë për të lënë  burrat, gratë, fëmijët pa uji dhe energji, janë akte të terrorit të pastër”, theksoi ajo.

BE planifikon të vendosë sanksione ndaj tre komandantëve të lartë ushtarakë iranianë dhe kompanisë që prodhon dronët. Lëvizja tregon se ministrat e BE-së nuk i besojnë mohimet e Iranit se ka furnizuar Rusinë me armë.

Në një seancë të mbyllur të Këshillit të Sigurimit të OKB-së, Rusia dhe përfaqësuesit e Iranit mohuan përdorimin e dronëve të prodhuar nga Irani në luftën në Ukrainë.

LEXONI GJITHASHTU

• Avioni rus lëshoi ​​raketën pranë avionëve RAF mbi Detin e Zi
• Rusia mohon importimin e dronëve iranianë, DASH kërcënon me sanksione
• Lavrov: Rusia mund të zvogëlojë prezencën diplomatike në Perëndim