Dubai renditet ndër pesë vendet më të fotografuara në botë

Dubai është renditur si vendi i pestë më i fotografuar në rrjetin social Instagram, sipas një sondazhi nga faqja e udhëtimeve Wego.

Nga plazhet gjithëpërfshirëse tek arkitektura mbresëlënëse dhe restorantet të një cilësie të nivelit botëror, mundësitë e turistëve për të shkrepur foto janë kudo.

Në fakt, ushqimi është një ndër arsyet kryesore për të vizituar qytetin.

Sipas etiketimeve në Instagram, Dubai udhëheq kategorinë e “ushqimeve”.

Vetëm këtë verë, Dubai është përmendur 79 milion herë.

Disa nga vendet më në zë janë “Kopshti i Mrekullive”, i cili është dhe kopshti më i madh i luleve në botë,  me një sipërfaqe prej 72 mijë katrorë dhe me mbi 50 milion lule.

Në qendrën të qytetit ndodhet dhe Burj Khalifa, e cila është ndër pesë vendet më të fotografuara në Instagram nga Dubai.

“Korniza e Artë e Dubait”, një nga vendet më të vizituara për shkak të arkitekturës së veçantë. Ndërtesa 150 metra e lartë dhe 93 metra e gjerë është e ndërtuar në mënyrë që vizitorët të kenë mundësi të shohin Dubain modern në jug dhe pjesën e vjetër të qytetit në veri.

Mamoun Hmedan, menaxheri i Wego thotë se renditja e Dubait në mesin e pesë qyteteve më të përmendura në Instagram është një arritje e madhe.

“Dubai është qyteti i vetëm arab që renditet në listën e pesë vendeve kryesuese. Kjo është një arritje e madhe për një qytet i cili ka shumë pak eksperiencë me turizmin në krahasim me vendet e tjera,” thotë ai.

Vendin e parë e mban Londra me 118 milion “hashtag”, dhe më pas Parisi me 101 milion.

Ndër të tjera, vendet më të përmendura janë edhe Stambolli, Los Anxhelos, Xhakarta, Barcelona, Moska dhe Tokio.