“Duhet larguar Berisha e berishizmi”/Bejko: PD s’do bashkohet kurrë me Foltoren

Nënkryetari i PD-së, Roland Bejko tha në një intervistë për Euronews Albania se Partia Demokratike nuk do të bashkohet kurrë me Foltoren.

Sipas tij, bashkimi është fuqi, por jo me Berishën dhe ‘berishizmin’. Bejko iu drejtua dhe Bardhit kur tha se është e pamohueshme që PD-ja ka investuar vetëm në ruajtjen e demokracisë dhe kurrë nuk ka bashkëpunuar me Ramën.

“Unë jam për bashkim, por me largimin e Berishës dhe ‘berishizmit’. Po u bashkua dhe Partia Demokratike me Foltoren në Shqipëri vendoset monopoli politik dhe materializohet përjetësisht marrëveshja e 2008-s midis Ramës dhe Berishës. Marrëveshja e 2008-s i dha monopolin politik dy krerëve të dy partive dhe futi sistemin dy-partiak në Shqipëri, prandaj gjëja e parë që do të bëjë Partia Demokratike sapo t’i jepet mundësia, që të fitojë shumicën e shqiptarëve dhe të mbështetjes, do të shfuqizojë vendimin e marrëveshjes së 2008-s. 2008-ta e ka dëmtuar demokracinë, e ka dëmtuar sistemin zgjedhor dhe votën,” – u shpreh Bejko.

LEXONI GJITHASHTU:

• “Berisha kërkon opozitë moniste”, Bejko: Jemi në luftë edhe ndaj oligarkëve
• Bejko: Më jepni një provë që Basha është i shitur dhe jap dorëheqjen