“Duket kush do dhunë”, Basha: Kosova të bashkëpunojë me SHBA, BE dhe NATO

Lulzim Basha ka reaguar sa i takon tensioneve në veri të Kosovës ku ushtarë të KFOR-it kanë mbetur të plagosur.

Ai u shpreh thellësisht i shqetësuar, ndërsa theksoi se kjo vërteton kush ka interes për destabilizim dhe dhunë.

Ndërsa dënoi dhunën e përdorur, Basha i bëri thirrje Kosovës të veprojë në koordinim të pandarë me aleatët, SHBA, BE dhe NATO.

Deklarata e plotë:

Thellësisht i shqetësuar për situatën në veri të Kosovës. Dënoj me forcë dhunën e paprovokuar ndaj trupave të KFOR, Policisë së Kosovës dhe mediave. Për këdo është e qartë se kush është i interesuar për dhunë dhe destabilizim.

Autoritetet e Kosovës duhet të tregojnë maturi në këtë situatë të tensionuar dhe të veprojnë në koordinim të pandarë me aleatët tanë, SHBA, BE dhe NATO. Dialogu i ndërmjetësuar nga BE dhe i mbështetur nga SHBA me rezultat njohjen reciproke mes Kosovës dhe Serbisë është e vetmja rruga për paqe dhe stabilitet dhe për një jetë më të mirë për shqiptarët dhe serbët në Kosovë.

LEXONI GJITHASHTU:

• Dhuna në veri të Kosovës, reagon kryeministri Rama
• Peleshi për situatën në Veri: Dialogu, zgjidhja e vetme për stabilitetin në rajon