Peleshi për situatën në Veri: Dialogu, zgjidhja e vetme për stabilitetin në rajon

Ministri i Mbrojtjes, Niko Peleshi ka bërë me dije në faqen e tij zyrtare në Facebook shqetësimin për situatën në veri të Kosovës.

Ai ka uruar shërim të shpejtë për ushtarët e KFOR-it që u plagosën në përplasjen e tyre me protestuesit serbë.

“Dënojmë me forcë dhunën e përdorur ndaj trupave të KFOR, që po përpiqen për garantimin e sigurisë së qytetarëve atje. Dialogu dhe ulja e tensioneve, zgjidhja e vetme për një bashkëjetesë të mirë dhe stabilitet në rajon,” – është shprehur Peleshi.

Ndërkaq, Albin Kurti reagoi përmes një postimi ku shkruante se dënojnë dhunën dhe mbrojnë paqen, ndërsa në një konferencë për media, presidenti serb Vuçiç akuzoi Kurtin për gjithë situatën e krijuar në veri.

Ai solli në vëmendje se ushtria është gati në rast se populli do të sulmojë.

LEXONI GJITHASHTU:

• Ministria e Jashtme gjermane pas tensioneve në Veri: Ndaloni urgjentisht dhunën
• NATO ultimatum për situatën në Veri: Të ndalet menjëherë dhuna