LIVE| Dumani raporton në Kuvend: Puna e SPAK është vlerësuar nga BE dhe DASH

Kreu i Prokurorisë së Posaçme Altin Dumani raportoi në Kuvend të hënën lidhur me punën e institucionit që drejton në vitin 2024.

Dumani tha se puna e SPAK është vlerësuar në progres-raportin e Bashkimit Evropian dhe Departamenti Amerikan i Shtetit për luftën kundër korrupsionit dhe krimit të organizuar.

Roli i SPAK ka ndihmuar Shqipërinë për të përmirësuar me 5 pikë pozicionin e sa në indeksin global të korrupsioni, tha ndër të tjera Dumani.

“Në Indeksin Global të Korrupsionit për vitin 2024, Shqipëria vlerësohet me 42 pikë, duke e përmirësuar indeksin e perceptimit të korrupsionit me 5 pikë në raport me një vit më parë. Transparency International ka njohur rolin e SPAK në rritjen e besimit të publikut. SPAK i ka dhënë një rëndësi të veçantë hetimit pasuror dhe financiar. Në këtë kontekst, është forcuar Sektori i Hetuesve Financiarë nëpërmjet ngritjes së kapaciteteve njerëzore kryesisht në hetimet financiare dhe pasurore me veprime komplekse brenda dhe jashtë vendit ku përfshihen edhe veprimet me kriptovaluta”, tha ndër të tjera Dumani.

LEXONI GJITHASHTU:

• VIDEO/ Berisha fliste për “mëkatet” e drejtësisë! Reagimi i Dumanit në Kuvend
• Fjala e fundit e Dumanit në foltoren e Kuvendit, drejtësia raporton në parlament