Dumani raporton te ligjet: Janë ekzekutuar 79 vendime gjykate të formës së prerë

Pas kërkesës së disa deputetëve, kreu i SPAK Altin Dumani ka raportuar raportin vjetor te Komisioni i Ligjeve, që po zhvillohet ditën e sotme.

Ai tha se gjatë vitit 2023 janë ekzekutuar 79 vendime gjykate të formës së prerë, ndërsa janë dënuar 269 të pandehur.

Mes tjerash ai tha se janë krijuar 32 skuadra hetimore, ku nga këto 25 janë aktive.

“Nga të dhënat statistikore, rezulton se gjatë vitit 2023 janë ekzekutuar 79 vendime gjykate të formës së prerë, nga këto 22 vendime kanë marrë formë të prerë në shkallë të parë dhe 57 vendime në Gjykatën e Apelit.

Janë dënuar me vendim të formës së prerë 269 të pandehur nga të cilët me burgim janë dënuar 160 persona ose afërsisht 60% e totalit, me kusht apo kohë prove janë dënuar 91 persona, afërsisht 34% e totalit, me orë punë janë dënuar 10 persona, ndërsa me gjobë janë dënuar 2 persona. SPAK ka arritur të krijojë një besueshmëri me institucionet partnere në nivel rajonal dhe më gjerë.

Janë krijuare 32 skuadra hetimore nga këto 25 skuadra janë aktive. Ka rritje të subjekteve që janë shpallur në kërkim ndërkombëtar dhe ka rritje e në kërkesat për ekstradim, ku kanë ardhur 39 kërkesa për ekstradim”-tha ai.

LEXONI GJITHASHTU: 

• “Mundësi shqiptar këputi rruazat e qafës”-durrsaku tregon detajet për incidentin…
• Norvegjia njofton se do të arrestojë Netanyahun nëse lëshohet një urdhër