Policia e Durrësit ka arrestuar një 17-vjeçar të shpallur në kërkim, i cili akuzohet se ka qëlluar me armë zjarri në ajër gjatë një konflikti për motive të dobëta.
Ngjarja ka ndodhur më 7 janar 2025, në fshatin Kullë, Durrës, ku shtetasi me iniciale A. K., banues në Sukth, është konfliktuar me bashkëmoshatarin e tij, me iniciale H. M. Gjatë debatit, 17-vjeçari ka përdorur një armë zjarri pistoletë, duke qëlluar në ajër.
Pas kontrolleve Policia ka arrestuar 17-vjeçarin dhe ka sekuestruar armën e zjarrit të përdorur gjatë ngjarjes.
Materialet procedurale i kaluan Prokurorisë pranë Gjykatës së Shkallës së Parë të Juridiksionit te Përgjithshëm Durrës, për veprime të mëtejshme, për veprat penale “Prishja e qetësisë publike” dhe “Mbajtja pa leje dhe prodhimi i armëve, armëve shpërthyese dhe municionit”.
LEXONI GJITHASHTU:
- Zbulohet qendra e prostitucionit në Durrës, shpallen në kërkim 2 kineze
- Vritet me armë zjarri 33-vjeçari në Shkodër, policia: U qëllua në makinë
