Durrës| Kishin përshtatur banesën për prostitucion, 3 të arrestuar dhe 3 në kërkim

Tre persona janë arretuar dhe tre të tjerë janë shpallur në kërkim, për ushtrim prostitucioni.

Përmes një njoftimi Policia bën të ditur se këta persona kishin përshtatur një ambient të marrë me qira për të ushtruar këtë veprimtari.

Të arrestuarit janë shtetasit A. R., 33 vjeç, M. D., 25 vjeçe dhe F. P., 25 vjeçe, të tre banues në Tiranë.

Ndërsa të shpallur në kërkim janë shtetasit A. S., 42 vjeç, M. R., 30 vjeç dhe K. M., 24 vjeçe, po ashtu banues në Tiranë.

Në cilësinë e provës materiale shërbimet e Policisë gjetën dhe sekuestruan një shumë parash që dyshohet se është përfituar nga kjo veprimtari kriminale dhe 3 celularë, ndërkohë që materialet i kaluan prokurorisë për veprime të mëtejshme.

Njoftimi i Policisë:

Durrës/Finalizohet pas 4 muajsh hetime me metoda proaktive, në drejtimin e Prokurorisë, operacioni i koduar “Rent”.

Zbulohet në lagjen nr. 1, Durrës, një ambient i marrë me qira, i përshtatur për veprimtarinë e kundërligjshme të prostitucionit.

Vihen në pranga 3 shtetas dhe vijon puna për kapjen e 3 të tjerëve të përfshirë në këtë veprimtari kriminale.

Si rezultat i hetimeve të kryera për 4 muaj, me metoda proaktive, në drejtimin e Prokurorisë, për një rast të shtrytëzimit të prostitucionit, Seksioni për Hetimin e Krimeve dhe Trafiqeve të Paligjshme finalizoi operacionin e koduar “Rent”, si rezultat i të cilit u arrestuan në flagrancë shtetasit:

1. R., 33 vjeç, M. D., 25 vjeçe dhe F. P., 25 vjeçe, të tre banues në Tiranë.

Gjithashtu, u shpallën në kërkim shtetasit: A. S., 42 vjeç, M. R., 30 vjeç dhe K. M., 24 vjeçe, të tre banues në Tiranë.

Gjatë operacionit, në lagjen nr. 1, Durrës, në ambientin e marrë me qira, që ishte përshtatur nga shtetasit A. R., M. R. dhe A. S., për ushtrimin e prostitucionit nga shtetaset M. D., F. P. dhe K. M., shërbimet e Policisë gjetën dhe sekuestruan një shumë parash që dyshohet se është përfituar nga kjo veprimtari kriminale dhe 3 celularë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Prostitucioni”, “Shfrytëzimi i prostitucionit” dhe “Mbajtja e lokaleve për prostitucion”, të kryera në bashkëpunim.

LEXONI GJITHASHTU:

• EMRI| Shfrytëzonte shtetase të huaja për prostitucion, arrestohet 29-vjeçari
• Prostitucion në qendrën e masazheve, arrestohet menaxherja, në kërkim 19-vjeçari