EMRI| Shfrytëzonte shtetase të huaja për prostitucion, arrestohet 29-vjeçari

Një 29-vjeçar është arrestuar nga policia e Tiranës me akuzën e “Shfrytëzimi i prostitucionit”, “Mbajtja e ambienteve për prostitucion”, dhe “Trafikimi i personave të rritur”.

Në kuadër të operacionit të koduar “Foreign” u vu në pranga shtetasi Tritan Guni, 29 vjeç, banues në Tiranë. Ky shtetas është kapur në flagrancë, në Rrugën e Dibrës, duke marrë 100 euro, nga dy shtetase të huaja, të cilat dyshohet se i shfrytëzonte për prostitucion.

Nga veprimet hetimore të kryera ka rezultuar se 29-vjeçari, pasi krijonte kontakte me shtetase të huaja, të cilat akomodoheshin në Shqipëri, dhe në bashkëpunim me motrën e tij, shtetasen B. G., 36 vjeçe, nëpërmjet shantazhit, i detyronte dhe i shfrytëzonte ato për prostitucion, kundrejt përfitimeve monetare.

Në vijim të veprimeve nisi procedimi penal për 4 shtetase të huaja, të moshave 44 vjeçe, 39 vjeçe, 32 vjeçe, dhe 25 vjeçe.

Materialet procedurale i kaluan Prokurorisë pra Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU:

• Parandalohet krimi në Lezhë, arrestohet 37-vjeçari! Çfarë iu gjet në banesë
• I vuri flakën 2 automjeteve në Cërrik, arrestohet 34-vjeçari i shpallur në kërkim