Parandalohet krimi në Lezhë, arrestohet 37-vjeçari! Çfarë iu gjet në banesë

Një 37-vjeçar ka rënë në prangat e në Lezhë, pasi dhunonte bashkëjetuesen e tij dhe mbante në banesë armë zjarri dhe fenelina si të Policisë.

Përmes një njoftimi Policia bën të ditur se ndërhyrja erdhi pas denoncimit të bashkëjetueses së 37-vjeçarit.

Nga kontrollet në banesën e shtetasit të arrestuar, janë gjetur 1 armë zjarri kallashnikov, municion luftarak dhe fenelina si të Policisë.

Njoftimi i Policisë:

Lezhë/Ndërhyrja e menjëhershme e Policisë, parandalon ngjarje të mundshme kriminale në një familje.

Finalizohet operacioni policor i koduar “Poseduesi”.

Sekuestrohen 1 armë zjarri kallashnikov, 2 krehra dhe 173 fishekë të tij, si dhe 2 fenelina si të Policisë.

Dhunoi bashkëjetuesen, si dhe mbante në banesë, pa leje, armë zjarri dhe fenelina si të Policisë, arrestohet në flagrancë 37-vjeçari.

Menjëherë pas kallëzimit të një shtetaseje, se dhunohej nga bashkëjetuesi i saj, Komisariati i Policisë Lezhë, në bashkëpunim me Forcën e Posaçme “Shqiponja” të DVP Lezhë, në kuadër të operacionit policor të koduar “Poseduesi”, kanë mundësuar kapjen dhe vënien në pranga të autorit të këtij rasti, shtetasit A. S., 37 vjeç.

Në vijim të veprimeve policore për këtë rast, është kryer kontroll në banesën e shtetasit të arrestuar, ku janë gjetur 1 armë zjarri kallashnikov, municion luftarak dhe fenelina si të Policisë.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• EMRI| Tjetërsonte provat, arrestohet eksperti kriminalist në policinë shkencore
• Në kërkim për organizatë kriminale në Spanjë, arrestohet në Hanin e Hotit 35-vjeçari