Durrësi, temperatura ekstreme në 2040/ BB: Shkak mungesa e hapësirave të gjelbra

Deri në vitin 2040, qyteti i Durrësit do të përjetojë rritje ekstreme të temperaturave. Sipas Bankës Botërore, në raportin e fundit të saj, parashikohet që vala e të nxehtit në botë të rritet me mesatarisht me 4 gradë celsisus. Sipas ekspertëve, në Shqipëri të gjitha qytetet bregdetare, janë të rrezikuara.

“Nuk është vetëm qyteti i Durrësit, janë të gjitha ato bregdetare, ka të bëj urbanizimi, mungesa e infrastrukturës së gjelbërt, që ndikojnë  në zbutjen e këtij fenomeni.

Për të parandaluar këtë rritje ekstreme, duhet të shtohen hapësirat e gjelbërta, duke nisur ndërtimin e qyteteve smart.

“Duhet të ndërhyjmë që në fazën e planifikimit, të ndërtojmë qytete smart, shtimi i hapësirave të gjelbërta dhe krijimi i rezervuarave të ujit artificialë, që do të sjellin freskinë e temperaturave”-tha Anira Gjoni, Igjeum.

Pas viteve ’90, Shqipëria mesataren e rritjes së temperaturave e ka 1.5 gradë Celsius. Ekspertët thonë se nëse nuk merren masa, kjo ngrohje do të sillte pasoja në jetesën e këtyre qyteteve.

“Mirë është që kjo rritje të mos shkojë më shumë se 1.8 gradë në vitet 2040, pasi do të sillte një ngrohje që do të prishte dhe jetesën ose do ti kthente qytetet në të pabanuar”-tha Gjoni.

Nxehtësia ekstreme në qytete ul produktivitetin dhe rrit sëmundjet sipas Bankës Botërore duke sjellë efekt mjaft negative në zhvillimin ekonomik.

LEXONI GJITHASHTU: 

• Honda mendon për jetën pas Red Bull
• Përmbyten nga shiu Emiratet e Bashkuara Arabe, në Oman raportohet për 18 viktima