Lita komenton ndryshimet në qeverinë socialiste: “Kyreengjëlli” i Ramës u shpërblye

Gazetari Lavdrim Lita ishte këtë të hënë i ftuar në një intervistë për Euronews Albania ku ka komentuar ndryshimet në kabinetin qeveritar të Partisë Socialiste.

Ai tha se largimi i Taulant Ballës nga posti i Ministrit të Brendshëm lidhet me një aleancë tjetër brenda PS. Sipas tij dy personazhet që pretendojnë lidershipin e PS, Belinda Balluku dhe Erion Veliaj, kanë bashkëpunuar për të larguar pretendentin e tretë, Taulant Ballën.

“Çështja e Taulant Ballës lidhet me këta dy personazhe, sepse Taulant Balla mori detyrën shumë të lartë në qeveri për të qenë i treti në garën e lidershipit të Partisë Socialiste, sepse në kalkulimet e Edi Ramës, këta të dy në foto (Balluku dhe Veliaj) mund të bënin aleancë në një kohë të papërshtatshme kundër Edi Ramës.

Por këtë aleancë nuk mund ta bënin nëse do të ishin tre, pra po të ishte dhe Balla tre veta nuk mund ta bëjnë komplotin brenda partisë. Aty kanë tradhtuar njëri-tjetrin dhe dikush është ekzekutuar që në këtë rast është Taulant Balla”,-tha gazetari Lita.

LEXONI GJITHASHTU:

• Rama ndryshime të mëdha në qeveri, Balla lë ministrinë e Brendshme, emrat që lëvizin
• Rama nxjerr emrat: Spiropali në krye të Kuvendit, Çuçi nënkryetar dhe Peleshi…