Muzeu kombëtar i fotografisë “Marubi” përmes ekspozitës së saj më të re të titulluar “Dy Italianë në Lindjen e Largët” po vijon me ritme të larta të frekuentueshmërisë nga turistët, ndonëse ende nuk ka nisur zyrtarisht sezoni turistik.
Por çfarë e bën të veçantë këtë ekspozitë ?
Drejtuesi i muzeut të fotografisë, Luçian Bedeni tregon më shumë detaje.
“E veçanta e kësaj ekspozite është që për herë të parë publikohen disa imazhe të pa shfaqura më parë për publikun Evropian që i përkasin albumit Japan pikërisht të udhëtimit të Felice Beatos në ekspeditë drejt Japonisë dhe përballjes me realitetin e ri atje , të cilat dëshmojnë jetën e marketeve atje të kohës”, thotë kreu i muzeut.
Shifrat janë shumë optimiste për “Marubët“ në Shkodër ku në muajt e parë të 2024 ka një rritje me 35% të frekuentueshmërisë, krahasuar me një vit më parë.
“Muzeu “Marubi” ka filluar një sezon dhe për dy muajt e parë dhe fillimi këtij muaji janë shumë shpresdhënës për një vit tjetër të suksesshëm. Vetëm dy muajt e parë janë diku 35% më shumë krahasuat me fillimin e vitit të kaluar”, shprehet ai.
Nisja e sezonit pritet të ketë shumë surpriza në muzeun kombëtarë të fotografisë “Marubi” prandaj shënoje në pikat tuaja kryesore gjatë vizitës tuaj verore në Shkodër.
LEXONI GJITHASHTU:
- Fotot e shekullit XIX/ Te Marubi bëhen me procesin e kolodiumit të lëngshëm
- Muzeu i fotografisë ‘Marubi’, rritet 40% numri i vizitorëve në krahasim me 2019-ën