Dy “non-grata” në qeverinë e re të Serbisë, reagon për herë të parë DASH

Qeveria e re e Serbisë do të përfshijë ish-shefin e zbulimit Aleksandar Vulin, një politikan që mbështet lidhjet e ngushta me Rusinë, të cilin Shtetet e Bashkuara e kanë shpallur non-grata.

Njoftimi u bë të martën nga kryeministri i mandatuar për formimin e qeverisë së re, Millosh Vuçeviç.

Aleksandar Vulin do të shërbejë si një prej disa zëvendëskryeministrave, tha Millosh Vuçeviç, ndërsa njoftoi përbërjen e kabinetit të tij të ardhshëm, që pritet të votohet në parlament në ditët në vijim.

Departamenti Amerikan i Shtetit (DASH) është shprehur i zhgënjyer me emrat e propozuar për qeverinë e re të Serbisë të cilët janë sanksionuar nga qeveria amerikane, përfshirë Aleksandar Vulin dhe Nenad Popoviç, i cili do të mbajë një ministri pa portofol.

“Shtetet e Bashkuara nuk kanë rol në vendimet e qeverisë së Serbisë. Jemi të zhgënjyer kur shohim dy persona të sanksionuar të propozohen për poste në qeverinë e re. Qëndrimi ynë për zotin Vulin është i njohur. Ai mbetet nën sanksionet e Shteteve të Bashkuara”, një zyrtar i lartë i Departamentit të Shtetit tha për Zërin e Amerikës se

Serbia po kërkon zyrtarisht anëtarësimin në Bashkimin Evropian, por ka mbajtur marrëdhënie miqësore me Rusinë dhe ka refuzuar t’u bashkohet sanksioneve perëndimore kundër Moskës, për shkak të sulmit të saj ndaj Ukrainës.

LEXONI GJITHASHTU:

• Vuçiç: I pakënaqur me reagimin e DASH, por qeveria është e qytetarëve të Serbisë
• SHBA: Serbia nuk ka bërë asnjë përpjekje për t’i gjetur sulmuesit e Banjskës