“Dyfishim i rrogave dhe pensioneve”, Berisha flet mbi projektin e PD-së

Kreu i PD, Sali Berisha, teksa ka vijuar fjalimin e tij para qytetarëve demokratë në mitingun e mbajtur në hapjen e fushatës elektorale për zgjedhjet parlamentare të 11 majit, u shpreh se projekti i PD mbështet njerëzit e varfër por me dinjitet.

“Ne, këtë projekt do ta nisim duke vendosur minimumin jetik. Ne jemi partia e rritjes dhe dyfishimit të rrogave dhe pensioneve. Vetëm në këtë mënyrë u rikthejmë familjeve shqiptare dinjitetin, tek vetja, familja dhe Shqipëria.

Qeveria do të vendosë mbi ta taksat më të ulëta që ekzistojnë në Evropë. Të mëkëmbeni, të pasuroheni. Nuk ka një vend të dytë të pasur sa Shqipëria. 0 tolerancë ndaj korrupsionit do të jetë motoja jonë. Njeriu i ndershëm nuk ka armik më të egër sa korrupsioni. Korrupsioni vret mundësinë e të rinjve”, tha Berisha.

LEXONI GJITHASHTU:

• Fushata e PD-së, Berisha: Do të rikthejmë projektin e ëndrrave për të rinjtë
• Berisha në hapjen e fushatës: Rama do ta ketë të vështirë natën sonte