Dyndje drejt plazhit nga temperaturat e larta, trafiku “paralizon” Vlorën

Kjo fundjave ka shkaktuar trafik të rënduar në qytetin e Vlorës. Temperaturat e larta që kanë përfshirë vendin këtë fundqershori, kanë bërë që plazhi të kthehet në vendpushimin e preferuar të qytetarëve.

Dyndja e pushuesve vendas e të huaj drejt bregdetit në Vlorë ka krijuar trafik të rënduar në zonën e Skelës e në rrugën Transballkanike përgjatë dhe Lungomares.

Shkak i trafikut të rënduar është bërë dhe bllokimi i Unazës të Qytetit pasi po kryhen punime pas nderhyrjes në rrjetin e ri të Ujësjellsit.

Zonat ku trafiku është rënduar janë në hyrje të qytetit të Vlorës në rrugën “Transballkanike”, në zonën e Skelës, dhe në zonën e “Lungomares”.