Dyshohet se shiste kokainë dhe kanabis, arrestohet 41-vjeçari në Vlorë

Policia e Vlorës njofton se ka goditur një rast të shitjes së lëndëve narkotike në këtë qytet.

Sipas njoftimit zyrtar, është arrestuar një 41-vjeçar, i cili dyshohet se shiste doza kokaine dhe kanabisi, në Vlorë.

Në njoftimin e Policisë thuhet se, gjatë kontrollit personal dhe të banesës së 41-vjeçarit V. S., janë sekuestruar në cilësinë e provës materiale 20 doza me lëndë narkotike të dyshuara si kokainë dhe kanabis.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

LEXONI GJITHASHTU:

• Dyshime skandali në Përmet/ Polici i lidhur me 16-vjeçaren, kërcënohet me video
• Dyshohet se u godit nga një mjet, 18-vjeçari që u rrëzua me motor dërgohet te Trauma