Polumbarët e Reneas pas kërkimeve në një kanal me ujë në fshatin Çukas, kanë gjetur trupin e një 21 vjeçari, që dyshohet se është vetëmbytur mbrëmjen e djeshme.

Pas kallëzimit të bërë mbrëmë nga shtetasi A. C., 37 vjeç, se prej disa orësh kishin humbur kontaktet me djalin e xhaxhait, shtetasin M. C., 21 vjeç, , i cili vuante nga epilepsia, menjëherë kanë vijuar kërkimet për gjetjen e tij.

Shtetasi M.C., banues në fshatin Barbullinjë të rrethit të Lushnjës, vuante nga epilepsia.

Paraditen e sotme, me ndihmën e polumbarëve të Repartit Special Renea, eshtë bërë e mundur gjetja dhe nxjerrja e trupit të pajetë të tij, i cili dyshohet të jetë vetëmbytur në një kanal vaditës, në fshatin Çukas i Ri, Lushnjë.

Grupi hetimor po punon për sqarimin dhe dokumentimin e plotë ligjor të rrethanave të këtij rasti.

LEXONI GJITHASHTU:

• Dy adoleshentë akuzohen për vepra terroriste nga policia Metropolitane
• U bllokuan te liqeni i Shtrazës në Lëpushë, policia ndihmon dy turistë belgë