E akuzoi për masakrën e Peshkëpisë, Beleri refuzon pajtimin me Bidon në gjykatë

Në gjykatën penale është zhvilluar këtë të enjte një seancë pajtimi mes kreut të Arkivës Shqiptare Ardit Bido dhe Fredi Belerit, i cili aktualisht ndodhet në burg pasi akuzohet për veprën penale korrupsion në zgjedhje.

Beleri ka paditur Bidon për shpifje për shkak të deklaratave të këtij të fundit se Beleri ka qenë i përfshirë në masakrën e Peshkëpisë dhe se ai është pjesë e ultra nacionalistëve grekë.

Beleri ishte i pranishëm në seancë dhe nuk ka pranuar të pajtohet me zyrtarin Bido.

Më pas gjykata vendosi që procesi të vijojë në muajin janar të 2024-ës. Bido tha se ishte i gatshëm të pajtohej, por i qëndronte deklaratave dhe se ishte bazuar tek studuesit dhe shkencetarët grekë.

LEXONI GJITHASHTU: 

• “Kemi përgjuar subjektet”/ Fredi Beleri debat me kryepolicin e Himarës në gjyq
• “Beteja për 20 përqindëshin”- Bido: Tezë e rrezikshme! Pse Dule foli për asocacion