E bashkoi apo e përçau familjen mbretërore vdekja e mbretëreshës, përgjigjet Manaj

Gazetari Arben Manaj i cili prej shumë vitesh jeton dhe punon në Mbretërinë e Bashkuar thotë se problemet në familjen mbretërore janë të dukshme dhe vdekja e mbretëreshës Elizabeth II pritet t’i nxjerrë më tepër në dukje.

Në emisionin ‘Sot’ në Euronews Albania, Manaj u shpreh se monarkia 1200-vjeçare ka mundur të qëndrojë falë mençurisë së këshilltarëve që po bëjnë të njëjtën gjë edhe në këtë moment.

“Nuk besoj se ka një përmirësim të marrëdhënieve në familje, për sytë e botës duhet të tregonin se janë një familje funksionale. Por kjo monarki 1200 vjeçare është deri këtu falë mençurisë së këshilltarëve. Ata që veprojnë pas kuintave edhe kanë një ndikim të jashtëzakonshëm, dhe kjo është arsye pse ata kanë mbijetuar. Testi do jetë publikimi i librit të princit Harry i cili e ka shtyrë, por nuk besohet se do ta anulojë publikimin”, tha Manaj.

LEXONI GJITHASHTU:

• Qytetarët i japin lamtumirën e fundit Mbretëreshës Elizabeth II (CEREMONIA)
• 6 herë kur Mbretëresha Elizabeth II na bëri për të qeshur