‘E di ku po shkon’? Rrëfimi tronditës i gazetarit para shtëpisë së Martinajt

Gazetari i Euronews Albania Teodor Gjerga solli ekskluzivisht një ditë më parë pamje nga operacioni i FNSH dhe RENEA në shtëpinë e Ervis Martinajt, në Fushë Kuqe ku u përball edhe më sulmin verbal të banorëve të zonës.

Ai tregoi se policia nuk kishte ndërhyrë në asnjë moment për të qetësuar situatën, duke i lënë si zgjidhje të vetme largimin prej aty.

Gjergo tregoi se përpara se të hynte në Fushë Kuqe, një zonë që nuk depërtohej as nga mediat e zonës, as nga policia për shkak të dominimit nga bandat kriminale ishte përballur me disa efektivë të RENEA-s, njëri nga të cilët e kishte paralajmëruar duke e pyetur: E di se ku po shkon?!

“Deri sot asnjë gazetar i Lezhës nuk kishte mundur të depërtonte në Fushë Kuqe, një zonë që nuk depërtohej as nga policia. Kam pasur edhe telefonata të njerëzve që më kanë pyetur a je mirë, për shkak të rrezikshmërisë në atë zonë ku beteja e policisë me krimin është e humbur. Një nga efektivët e RENEA-s në momentin që po futesha në zonë më tha: ‘E di se ku po shkon’. S’e identifikova dot s’e ishin  të maskuar. Kjo fjali më mbeti në mendje: ‘E di ku po drejtohesh’, dhe më ktheu shpinën”, tregoi gazetari.

LEXONI GJITHASHTU:

• Gazetari: Si u gjetën armët në kosheret e bletëve të Vis Martinaj
• Gazetari: Policia e di që Ervis Martinaj është gjallë, kufoma nuk kërkohet në banesë