E gjitha bota kundër Trump, reagime të forta për planin që SHBA të “marrë” Gazën

Jo vetëm vendet arabe, por i gjithë komuniteti ndërkombëtar ka dënuar ashpër komentet e Donald Trump për një “marrje” të mundshme të Gazës nga SHBA.

Shumë zyrtarë po theksojnë rëndësinë e një zgjidhjeje me dy shtete në rajon.

Sekretari i Jashtëm i Mbretërisë së Bashkuar, David Lammy, përsërit angazhimin e Britanisë për një zgjidhje me dy shtete. “Ne duhet të shohim palestinezët të jetojnë dhe të përparojnë në vendlindjet e tyre në Gaza dhe Bregun Perëndimor,” u tha ai gazetarëve gjatë një vizite në Kiev.

Ministria e Jashtme në Francë lëshon një deklaratë duke përsëritur kundërshtimin e saj për “çdo zhvendosje të detyruar të popullsisë palestineze të Gazës”.

Franca thotë se territori nuk duhet të kontrollohet nga një palë e tretë, por thekson se zgjidhja me dy shtete është e vetmja që mund të garantojë paqen afatgjatë për izraelitët dhe palestinezët.

Edhe në Rusi, zëdhënësi i Kremlinit Dmitry Peskov, deklaroi se paqja në Lindjen e Mesme sigurohet vetëm duke zbatuar një zgjidhje me dy shtete.

Ndërkohë, Ministria e Jashtme e Arabisë Saudite tha se “refuzon çdo përpjekje për të zhvendosur palestinezët nga toka e tyre”.

Nq deklaratë theksohet se Arabia Saudite nuk do të krijonte lidhje me Izraelin pa krijimin e një shteti palestinez.

Si Kina ashtu edhe kryeministri australian Anthony Albanese mbështesin nevojën për një zgjidhje me dy shtete.

Ministri i Jashtëm i Turqisë thotë se çdo plan që i lë palestinezët “jashtë ekuacionit” do të rezultonte në më shumë konflikt.

LEXONI GJITHASHTU:

• Trump nuk tërhiqet nga zhvendosja e palestinezëve nga Gaza: U duhet një tokë tjetër
• Presidenti Trump: SHBA dëshiron të marrë kontrollin e Gazës