E ngarkuara me punë e SHBA takon kryetaren e GJKKO: Mbështetje e palëkundur

E Ngarkuara me Punë e Shteteve të Bashkuara të Amerikës në Shqipëri, Nancy VanHorn zhvilloi një takim me kryetaren në detyrë të Gjykatës së Posaçme të Apelit kundër Korrupsionit dhe Krimit të Organizuar, gjyqtaren Saida Dollani.

Në një njoftim të ambasadës amerikane bëhet me dije se “VanHorn ndau mbështetjen e palëkundur për gjyqtaren Dollani dhe kolegët e saj, të cilët shfaqin guxim të pamasë dhe sakrificë personale në luftën kundër korrupsionit dhe krimit të organizuar.”

“Vendimet e tyre janë jetike për t’i dhënë fund kulturës së mosndëshkimit në Shqipëri. Ambasada e SHBA mbetet e përkushtuar për të mbështetur institucionet e drejtësisë së Shqipërisë në misionin e tyre për të ruajtur drejtësinë dhe integritetin”, thuhet në njoftimin e ambasadës.

LEXONI GJITHASHTU:

• Ambasadorja e SHBA pasi Grubi u shpall non grata: Askush s’është mbi ligjin
• Arestimi i vrasësit të bosit të sigurimeve në SHBA, policia: E ekzekutoi me urrejtje