“E pabesueshme që KQZ s’ka testuar pajisjet”, Muzhaqi: T’u kërkojë ndjesë qytetarëve

Zëdhënësja e fushatës së Partisë Socialiste, Bora Muzhaqi kritikoi KQZ për mungesë përgjegjësie në testimin e pajisjeve të identifikimit biometrik, PEI.

Muzhaqi u shpreh se për shkak të mosfunksionimi i të pajisjeve PEI, shumë qytetarë janë larguar pa pasur mundësi të votojnë.

“E pabesueshme që KQZ nuk ka testuar pajisjet. Vonesat në votim sollën largimin e qytetarëve. KQZ duhet t’i kërkojë ndjesë qytetarëve që nuk votuan dhe u larguan. PS i bën thirrje qytetarëve që janë larguar në mëngjes dhe nuk kanë votuar të kthehen dhe të votojnë”, tha Muzhaqi në një deklaratë nga selia e PS.

Këtë 14 maj, qytetarët u drejtohen kutive të votimit për të zgjedhur drejtuesit e bashkive si dhe anëtarët e këshillave bashkiakë për 4 vitet në vijim.

LEXONI GJITHASHTU:

• “S’e dija që i nxirrte makineria”, vëzhguesi mban shënim numrat rendorë të votuesve
• Pjesëmarrja në votime deri në orën 13:00