“E pamë edhe dje në seancë”- Baçi: Grupi “Basha” flirton me qeverinë, bën diversion

Deputeti i Partisë Demokratike, Luan Baçi, tha se grupi i Lulzim Bashës në Parlament bën diversion dhe flirton me qeverinë e kryeministrit Edi Rama.

Komentet Baçi i bëri në “Euronews Albania”, ku tha se kjo gjë u duk edhe gjatë ditës së djeshme në Parlament, ku deputetët e grupit të Bashës rrinin ulur në karrige dhe nuk bënin asnjë reagim ndaj situatës në Kuvend, njësoj si deputetët e Ramës.

Ai tha gjithashtu se opozita në Parlament ka vështirësi dhe problematika të shumta, të cilat nuk mund të mohoen.

“Mbledhjet e Grupit Parlamentar janë në rutinën e tyre të përhershme, madje do të thoja se 2-3 herë në javë, pasi Grupi i PD pas unifikimit që ka bërë prej muajsh e ka të domosdoshme për t’u mbledhur e diksutuar të gjitha problematikat që ne kemi.

Problematikat e vështirësitë janë të shumta. Nuk mund t’i mohojmë të gjitha këto nisur nga qëndrimi që mban mazhoranca karshi Grupit Parlamentar të PD, një qëndrim destruktiv, duke bërë lojëra me Grupin e PD dhe duke u pozicionuar dhe ftuar të vetëquajturin Grup Parlamentar që është ai i Bashës, që vazhdon të bëjë diversion dhe të flirtojë me mazhorancën.

Këtë e pamë edhe dje në Parlament në seancën e parë, ku Basha me deputetët e vetë rrinin ulur në Parlament dhe nuk reagonin”, tha Baçi.

LEXONI GJITHASHTU:

• Kompleksi “Partizani”, Berisha e Malltezi thirren për t’u pyetur në SPAK
• Deputetët e opozitës bllokuan foltoren, Presidenti nuk mundi të flasë në Parlament