Kompleksi “Partizani”, Berisha e Malltezi thirren për t’u pyetur në SPAK

SPAK ka njoftuar Jamarbër Malltezin për ta pyetur të mërkurën në cilësinë e personit në hetim.

Ndërkohë burime për Euronews Albania, bëjnë me dije se Sali Berishës i është dërguar njoftim për të enjten për t’u pyetur lidhur me dosjen e privatizimit të ish-kompleksit “Partizani”.

Prej 30 dhjetorit 2023 Sali Berisha ndodhet në arrest shtëpie, masë e caktuar nga Gjykata e Posaçme, pas kërkesës së SPAK.

Nga ajo ditë, Berisha ka mbajtur fjalime me mikrofon nga dritarja për disa përfaqësues të paktë në numër, të Rithemelimit, konsideruar kjo shkelje e vendimit të gjykatës, sipas të cilit nuk i lejohet komunikimi me persona të tjerë përveç rrethit të ngushtë familjar që ka brenda të njëjtës banesë ku po vuan masën e sigurisë.

LEXONI GJITHASHTU: 

• Ambasada e SHBA në Tiranë: Nuk kemi ndërmjetësuar për reformën zgjedhore
• OSBE në Kryesinë e Kuvendit për reformën zgjedhore, takim me Gjiknurin e Alibeajn