Aktivistja Zana Avdiu ka komentuar ngjarjen e ndodhur pak ditë më parë në Pejë, ku alpinistja Mrika Nikqi u ngacmua seksualisht në mes të rrugës.
Në emisionin “Goodmorning Albanians”, Avdiu tha se denoncimi nuk do të merrej parasysh nëse vetë viktima e dhunës nuk do të kishte publikuar videon e ngacmimit ndaj saj.
“Do të pyesja veten, nëse nuk do të shpërndahej videoja, se sa do të merrej parasysh denoncimi i saj. Kjo tregoi për institucionet që nuk funksionojnë. Në Pejë ka pasur një rast përdhunimi që është dënuar me vetëm 8 muaj. Mrika gjeti guximin të publikonte vetë videon e ngacmimit; kjo nuk është çudi, sepse besimi në institucione është zero, ndaj duhet t’u drejtohemi mediave”, tha aktivistja.
Sipas saj, sulmi në atë orë, në mes të rrugës, tregon për një shoqëri që e ka legjitimuar dhunën ndaj grave.
LEXONI GJITHASHTU: