E reja u vetëhodh nga kati i dytë pas dhunës, arrestohet bashkëjetuesi 24-vjeçar

Policia e Tiranës ka arrestuar një 24-vjeçar me akuzën se ka ushtruar dhunë ndaj bashkëjetueses së tij e cila si pasojë e dhunës tentoi të vetëvritej duke u hedhur nga kati i dytë i banesës.

Specialistët për Hetimin e Krimeve të Komisariatit të Policisë Nr. 4, pas marrjes së njoftimit se mbrëmjen e djeshme rreth orës 23:30, një shtetase ishte vetëhedhur nga kati i dytë i banesës, menjëherë kanë organizuar punën për sqarimin e rrethanave të ngjarjes dhe dokumentimin e plotë ligjor të saj.

Në vijim të veprimeve hetimore të kryera, specialistët për Hetimin e Krimeve në Komisariatin e Policisë Nr. 4 arrestuan shtetasin E. H., 24 vjeç, banues në Tiranë, për veprat penale “Dhuna në familje” dhe “Shkaktimi i vetëvrasjes” mbetur në tentativë.

24-vjeçari dyshohet se mbrëmjen e djeshme, rreth orës 23:30 ka ushtruar dhunë ndaj bashkëjetueses së tij, e cila si pasojë e dhunës është vetëhedhur nga kati i dytë i banesës. Aktualisht ndodhet në kujdesin e mjekëve, jashtë rrezikut për jetën.

LEXONI GJITHASHTU:

• Vodhi automjetin në një garazh në Tiranë, arrestohet 21-vjeçari i dënuar për vjedhje
• Maliq| Ngacmoi seksualisht të miturën në një kënd lojrash, arrestohet 68 vjeçari