E rëndë në Greqi| Daja tenton të abuzojë me mbesën e mitur, e vret me kaçavidë

Një ngjarje e rëndë ka ndodhur në Greqi, ku një 11-vjeçare e quajtur Vasiliki, është vrarë në mënyrë makabër nga daja i saj, Ilia.

Vrasësi ka rrëfyer përpara autoriteteve se e ka goditur me kaçavidë të miturën e cila ka gjetur vdekjen e menjëhershme.

Nga raporti mjeko-ligjor rezulton 11-vjeçarja ka ndërruar jetë si pasojë e goditjes në shpretkë dhe zemër.

37-vjeçari ka pranuar në polici se para se të vriste 11-vjeçaren, ka tentuar të kryejë marrëdhënie seksuale me të.

Ai ka thënë se vajza është larguar dhe pohoi se “do t’i tregonte prindërve”. Kjo bëri që ai ta ndiqte nga pas dhe ta vriste me kaçavidën që kishte në makinë.

“I sugjerova që të takoheshim. Ajo reagoi dhe refuzoi. Ajo tha se do t’u tregonte prindërve të saj dhe unë e vrava me kaçavidën që kisha në makinë”, deklaroi autori.

37-vjeçari e hodhi trupin e mbesës në një kallamishte.

Pas ngjarjes së rëndë, ai u kthye në shtëpinë e tij dhe shkoi në shtrat sikur të mos kishte ndodhur asgjë, ndërsa të nesërmen shkoi normalisht në punë dhe filloi të sillej si i shqetësuar për fatin e mbesës së tij .