E rëndë në Himarë| 2 të mitur lëndohen pasi hidhen nga shkëmbi, njëri drejt Tiranës

Dy pushues në Himarë u shpëtuan nga policia pasi ishin lënduar ndërsa ishin hedhur nga një shkëmb në det.

Policia ka njoftuar se janë lënduar dy të miturit D.K. dhe K.Xh., të moshave 16 dhe 17 vjeç.

Gjithashtu policia ka njoftuar se është shoqëruar në Komisariat dhe po merret në pyetje pronari i mjeteve lundruese, personi me inicialet R. P.

Ngjarja ka ndodhur në Llaman, ku dy të miturit janë afruar me disa shkëmbij dhe pasi kanë zbritur nga mjeti lundrues Jet Ski, kanë hipur në shkëmbij për t’u hedhur në det.

I pari është hedhur 16-vjeçari i cili ka pësuar dëmtime të rënda në fytyrë dhe në kokë, pasi ka rënë afër shkëmbit. Në këtë moment është hedhur në det edhe shoku i tij, 17-vjeçar, për ta ndihmuar, por nuk ka mundur dot sepse është dëmtuar edhe ai vetë.

Njoftimi i policisë

Policia e Himarës iu jep ndihmën e parë 2 pushuesve të cilët aksidentalisht ishin dëmtuar pasi ishin hedhur nga një shkëmb në det.

Në Llaman, shtetasit D. K. dhe K. Xh., janë afruar te disa shkëmbinj dhe pasi kanë zbritur nga mjeti lundrues Jet Ski, kanë hipur në shkëmbinj, për t’u hedhur në det.

Shtetasi K. Xh., 16 vjeç, banues në Tiranë, kur është hedhur në det, ka pësuar dëmtime të rënda në fytyrë dhe në kokë, për shkak se ka rënë afër shkëmbit. Në këtë moment është hedhur në det edhe shoku i tij, shtetasi D. K., 17 vjeç, banues në Tiranë, për ta ndihmuar, por nuk ka mundur dot sepse është dëmtuar edhe ai vetë.

Shtetasi D. K. ndodhet jashtë rrezikut për jetën, ndërsa shtetasi K. Xh. po transportohet me helikopter në drejtim të Tiranës, për ndihmë mjekësore më të specializuar.

Në vendngjarje ndodhen shërbimet e Policisë vendore dhe ato të Policisë Kufitare, si dhe grupi hetimor, me qëllim dokumentimin e plotë të rrethanave të ngjarjes.

Ndërkohë, është shoqëruar në Komisariat dhe po merret në pyetje pronari i mjeteve lundruese, shtetasi R. P.

LEXONI GJITHASHTU:

• E trishtë| 3-vjeçari humb jetën, rrëzohet nga varka dhe goditet nga helika e saj
• U mbyt në lumin Buna, gjendet pas 5 orësh kërkime 75-vjeçari