E rëndë në Kamëz! 2 persona përplasen nga makina, humb jetën 46-vjeçarja

Një aksident me pasojë vdekjen ka ndodhur këtë të diel në Kamëz. Një 46-vjeçare dhe një 20-vjerçare janë përplasur nga një makinë nën drejtimin e personit me inicialet B.K.

Ato janë shoqëruar menjëherë për në spital por për fat të keq 46-vjeçarja nuk ka arritur të mbijetojë, ndërsa 20-vjeçarja ndodhet ende nën kujdesin e mjekëve.

Sipas njoftimit të policisë shoferi  me inicialet B.K., ka humbur kontrollin e automjetit duke u përplasur fillimisht me automjetin me drejtues E.K., e më pas me dy gratë.

Njoftimi i policisë:

Më datë 16.06.2024, në rrugën “Nënë Tereza”, shtetasi B. K., duke drejtuar automjetin dyshohet se ka humbur kontrollin mbi drejtimin e tij dhe është përplasur me automjetin me drejtues shtetasin E. K., dhe më pas me shtetaset F. M., 46 vjeçe, dhe Xh. M., 20 vjeçe (këmbësore).

Si pasojë e dëmtimeve të marra nga aksidenti shtetasja F. M., ka ndërruar jetë në spital, ndërsa shtetasja Xh. M., ndodhet nën kujdesin e mjekëve.

Grupi hetimor po punon për sqarimin e rrethanave të aksidentit.