E rëndë në Korçë, makina në lëvizje mbrapa i merr jetën 85-vjeçares

Një 85-vjeçare ka humbur jetën pasditen e kësaj të hëne në Korçë pasi është aksidentuar nga një makinë.

Ngjarja ka ndodhur rreth orës 14:15, në fshatin Vishocicë. Sipas informacioneve paraprake, shtetasi A. P., 49 vjeç, banues në Korçë, dyshohet se duke lëvizur mbrapsht me automjetin e tij, është përfshirë në një aksident me shtetasen A. M., 85 vjeçe, e cila ishte duke ecur në këmbë.

Si pasojë e përplasjes, e moshuara ka humbur jetën.

Ndaj drejtuesit të automjetit po kryhen veprimet procedurale, ndërsa grupi hetimor vijon punën për zbardhjen e plotë të rrethanave të aksidentit.